| В лЂто 5803 царствующу
в Риму богосодЂтелному великому Костянтину Флавию,
со тщанием великим отвсюду собрав оземствованных христиан, начат
укрепляти и разширяти вЂру христьянскую, церкви Божиа
украшати, а ины преславны вздвизати, а идолы сокрушати и домы их в славу
Богу превращати. И к тому законы многы устави, яко идолская капища святителем
Христовым и христьяном точию владЂти и рядити. В среду
же и в пяток поститися страстЂй ради Христовых, а
неделю празновати въскресения ради Христова. Жидом же отинуд жертвы не
творити, и на распятие не осуждати никогоже, нечестия ради креста
Христова. И раб имъ не покупати никомуже. И на златнице образ его
написати. И бысть радость велия повсюду христьяномъ.
Въ 13 же лЂто царства его, советом Божиим подвизаем, въсхотЂ град создати въ имя свое и посла мужей достойных в Асию и в Ливию и в Европию на взыскание и изобрание преславна и нарочита мЂста на созданье таковаго града. ОнЂм же возвращающемся, сказаваху цесарю различныя мЂста преславная, а наипаче похвалиша ему Макидонию и Визандию. Он же болма прилежааше мыслию на Трояду, идЂже и всемирная победа бысть греком на фряги. И сице умышляюще царю въ дни и в нощи, слыша в снЂ глас: «Въ Визандию подобаеть Костянтину-граду създатися». И абие цесарь, възбудився от сна, вскоре посылаеть в Визандию магистров и градцкых дЂлателей готовити мЂсто. Сам же цесарь, оставив в Риму кесари два сына, Консту и Констянтина, а сыновца своего Адаманта — в Вретанию, поидЂ с материею |
С.216 |
| своею ЕлЂною въ ВЂзандию,
с нею же взят и жену свою Максимину, дщерь Диоклитияна царя, и сына своего
Констянтина ... и Ликиния, зятя своего, и два брата своих—Далмата и Констяндиона,
и Долматова сына—Далмата же, и Констяноновых два сына—Галу и Улияна. И
пришед в Визандию, виде на том месте семь гор и глушиц морских много. И
повелЂ горы рыти и нижняя мЂста
наполняти, и на глушицах столпы каменые ставити и на них своды сводити
и ровняти место, а сам цесарь пребывааше в Визандию. Егда же уготовиша
мЂсто, събра цесарь велмож и мегистан и магистровъ,
и начат умышляти, како быти стенам и стрелницам и вратам градцким, и повелЂ
размерити место на три углы, на все стороны по семи вЂрстъ,
тако бо бЂ место то межи дву морь — Чернаго и БЂлаго.
И се змий внезапу вышед из норы, потече по мЂсту, и абие свыше орел, спад, змия похвати и полетЂ на высоту, а змий начат укреплятися вкруг орла. Цесарь же и вси людие бяху зряще на орла и на змию. ОрЂл же, възлетев изъ очью на долгъ час, и пакы явися низлетающь и паде съ змием на то же мЂсто, понеже одоленъ бысть от змия. Людие же, текше, змия убиша, а орла изымаше. И бысть цесарь во ужасе велицем и, созвав книжники и мудреци, сказа им знамение. Они же, поразсудив, сказаша цесарю: «Се место Седмохолмы наречется и прославиться и возвеличиться в всЂй вселеннЂй паче иных градов, но понеже станеть межи дву морь и бьем будеть волнами морьскими—поколебимъ будеть. А орел есть знамение крестьянское, а змий—знамение бесерманское. И понеже змий одолЂ орла, являеть, яко бесерменство одолеет христьянства. А понеже крестьяне змиа убиша, а орла изымаша, являет, яко напоследок пакы христьянство одолеет бесерменства и Седмохолмаго приимут и в нем въцесаряться». Великий же Констянтин о сем возмутися зЂло, но обаче словеса их повеле написати, а магистры и градцкые делатели раздели надвое, ибо единой странЂ повелЂ размерити градцкие стЂны и стрелници и начати град дЂлати, а другой странЂ повелЂ размерити улици и площади на римской обычай. И тако начаша дЂлати церкви Божиа, и двор царский, и иные домы славны велможам и мегистаном и всем сановником и воды сладкие приводити. В седмое же лЂто видЂ цесарь мало живущих въ градЂ, зане велик бо бЂ зело, и тако сотвори: послав из Рима и от иных стран, събрав достославных велмож и мегистан, рекше сановник, с множеством людей ихъ ту приведе и, домы велиа создав, дасть им жити в градЂ |
С.218 |
| со устроением великим и царскыми чины, яко и своя домы и отчьства им
забыти. Създа же цесарь и полату великую, иподрому предивную и двЂимполЂ
устрои, рекша улицы покровены на торгование. И назва град Новый Рим.
Потом же созда церкви преславные: Софею великую, Святыхъ апостолъ, и Святыа Ирины, н Святаго Мокия, и Архангела Михаила. Постави же и пречюдный он столпъ багряный, его же из Рима принесе морем трею лЂты до Цесаряграда, зане велик бе зЂло и тяжек; от моря же до торгу лЂтом единым привезен бысть, цесарю часто приходяшу и злато много дающу людем брежения ради. И положи в основаниа 12 кош, их же благослови Христос, и от дрЂва честнаго и святых мощей на утвЂржение и сохранение предивнаго и единокаменнаго оного столпа. И постави на нем кумир, еже принесе от Солнечнаго града фругийскаго, имущаго на гла†семь луч. Тако же и ины вЂщи предивны и достохвалны принесе изъ многых стран и градов. И преукрасив град, възда ему честь велию обновлением, и праздникы и торжествы великими на многые дни. И так устави, да ся зовет град той Цесарьградом. И бысть радость велиа во всЂх людЂх. Днем же минувшим, пакы цесарь с патриархом и съ святители, събрав всь священнический чин, также и весь синглит цесарьскый и множество народа, сътвориша литию и молбы, молением дающе хвалу и благодарение всемогущей и живоначалной Троици, Отцу и Сыну и святому Духу, и пречистые Богоматери. И предаша град и всяк чин людцкый въ руце всесвятей Богородици и Одигитрие, глаголюще: «Ты убо, всенепорочная владычица и Богородица, человЂколюбивая естьством сущи, не остави град сей достоания твоего, но яко мати крестьянскому роду заступи и съхрани и помилуй его, наставляа и научая в вся времена, яко человеколюбивая и милостивая мати, яко да и в нем прославиться и возвеличиться имя великолепиа твоего в вЂкы». И вси людие рекоша: «Аминь!» И благодариша цесаря и похвалиша добрый его разум и еже къ Богу желание. Цесарь же понужааше стратиг и градцкиих наказателей храмы святыхъ и домы мирскиа съзидати на исполненья града. Велможам же и мегистаном и всем нарочитым людем тако заповЂда: аще кто сподобится коей степени царскаго чина, да сотворит собЂ память достойну, дом да воздвигнет или обитель славну или ино здание дивно, яко да населиться град преславными дЂлесы. Тако же и по нем царствующеи цесари и цесарици, кыиждо въ свое время подвизаашеся вещь преславну сотворити: овыи бо на взыскание и собрание страстей Господних и пречистые Богоматере ризы и пояса, |
С.220 |
| святыхъ мощей, и БожествЂных икон, но и
того самого Богомужнаго нерукотвореннаго образа, иже от Едеса; овыи же
на прибавление града и домов великих, ины пакы на воздвижение святыхъ обителей
и храмов Божиих, якоже великий Иустиниян цесарь и Феодосий Великий и цесарица
Евдокия и ины мнози. И тако наполниша град преславными и дивными вещми,
ими же и блаженный Андрей Критцкий, удивився, рече: «Воистинну град сей
выше слова и разума есть». К сим же и пренепорочная владычице, мати Христа,
Бога нашого, во вся времена бяше цесарьствующий град сохраняюще и покрывающе,
и от бЂд спасающе, и от неисцелных напастей премЂняюще.
Такыми убо великими и неизреченными благодЂянми и
дарованми пресвятыа Богородица сподобися град сей, яко и всему миру, мню,
недостойну быти тому. Но убо понеже естьство наше тяжкосердно и нерадиво,
и яко неистовы еже на нас милость Божью и щедрот отвращаемся и на злодЂяния
и бЂзакония обращаемся, ими же Бога и пречистую его
матерь разгнЂваемъ и славы своеа и чьти отпадаем,
якоже есть писано: «ЗлодЂяниа и безакониа превратят
престолы силных», и паки: «Расточи грьдыя мысли сердца их, и низложи силныя
съ престолъ»,— тако же и сий царствующий град неисчетными согрЂшенми
и безаконми от толиких щедрот и благодеяний пречистые Богоматери отпадшеся,
тмочислеными бЂдами и различными напастьми много лЂта
пострада.
Тако же и нынЂ, въ послЂдняя времена, грЂх ради наших, овогда нахождением неврьных, овогда гладом и повЂтреи частыми, овогда же междуусобными бранми, ими же оскудЂша силнии и обнищаша людие, и преуничижеся град, и смирися дозЂла, и бысть яко сень въ виноградЂ и яко овощное хранилище в вЂртоградЂ. Сия убо вся увЂдев, тогда властвующей туркы безбожный Магумет, Амуратов сынъ, в миру и в докончанье сый съ цесаремъ Костянтином, абие збираеть воя многа землею и морем, и пришед внезаапу град обьступи со многою силою. Цесарь же съ прилучившимися велможами и вси людие града не вЂдяаху что сотворити, понеже людцкаго собрания не бЂ и братиям цесаревым не сущимъ. И послаша къ Магумету салтану посланники, хотя увЂдати бывшее и о миру глаголати. Он же, безвЂрен сый и лукавъ, посланникы отосла, а град повелЂ бити пушками и пищалми, а ины стЂнобьеные хитрости нарежати и приступы градцкые уготовляти. Сущие же людие в градЂ, грекы и фрягове, выеждая из града, бьяхуся с турки, не дающе им стЂнобьеныя хитрости нарежати, но убо силе велице и тяжце сущи, не возмогоша им никоея пакости сотворити, зане един бьяшеся с тысящею, а два — съ тмою. |
С.222 |
| Сие же видЂв, цесарь
повеле велможам и мегистаном раздЂлити воином градцкия
стЂны, и овны, и врата, также и всих людей, и клаколы
ратные на всЂх странах изъставити, да коиждо их вЂсть
и хранит свою страну, и вся яже на бранную потребу устраяеть, и да бьеться
с турки съ стЂны, а из града не выежчати. Такоже и
пушки и пищали уставити по приступным мЂстам на обранение
стЂнам.
А сам цесарь с патриархом и съ святители и всь священный собор, и множество жен и дЂтей хожаху по церквам Божьим, и молбы и моления дЂюще, плачуще и рыдающе, и глаголюще: «Господи, Господи, страшное естьство и неисповедимая сила, юже дрЂвле горы, видЂвше, взтрепЂташа и тварь потрясеся, солнце же и луна, ужасшеся, блистанием их погибЂ, и звЂзды небесныа спадоша. Мы же, окаянныи, тая вся презрЂв, съгрЂшихом и бЂзаконовахом, Господи, пред тобою ... и тмократне разгнЂвахом и озлобихом твоего Божества, забывающи твоих великых дарований и препирающе твоих повелений, и яко неистови еже на нас милости и щедрот твоих отвратихомся и на злодеяние и бЂзаконие обратихомся, ими же далече от тебЂ отступихом. Вся сиа, иже наведЂ на ны и на град твой святый, праведным и истинным судом сътворил еси грЂх ради наших, и нЂсть нам отврьсти усты что глаголати. Но убо всепЂтый и преблагословеный Господи, създание и творение есмя твое и дЂло рук твоих— не предай же нас до конца врагом твоим, и не разори достояния твоего и не отстави милость твою от нас, и ослаби нам в врЂмя се, в еже обратитися нам и покаятися твоему благоутробию. Сам бо Владыка реклъ есть: «Не приидох праведных спасти, но грЂшным на покояние, в еже обратитися им и живым быти». Ей, Господи, цесарю небесный, ослаби, ослаби нынЂ пречистыа ради Богоматере твоеа и святых патреархъ и цесарей, преже угодивших твоему Божеству въ градЂ сем». Сия вся и ина многа изрекшим, тако же и пренепорочнЂй Богородице от среды сердца стенанием и рыданием по вся дни моляхуся. Цесарь же объеждааше вкруг града почасту, укрЂпляя стратигъ и воин, такоже и всЂх людий, да не отпадут надЂжею, ни ослабляют съпротивлением на врагы, но да уповають на Господа ВсЂдрьжителя—той бо нашь помощник и защититель есть; и пакы обращашеся на молитву. Турки же по вся места бьяхуся без опочиванья день и но, пременяющеся, не дающе нимала опочити градцкиим, но да ся утрудят, понеже уготовляхуся къ приступу; и так творяху отбои до 13 ден. В 14-й же день турки, откликнувше свою безбожную молитву, начаша сурны играти и в варгацы и накры бити |
С.224 |
| и, прикативши пушкы и пищали многие, начаша бити град, такоже стрЂляти
и из ручных и из луков
тмочисленых. Гражане же от бесчисленнаго стреляния не можаху стоати на стЂнахъ, но, западше, ждаху приступу, а инии стрЂляху ис пушек, ис пищалей, елико можаху, и многы туркы убиша. Патриархъ же и святители и весь священнический чин бяху непрестанно молящеся о милости Божии и о избавлении града. Егда же туркы начааху—уже всих людий съ стен збиша, абие вскрычавши все воинство и нападоша на град вкупъ со всЂх стран, кличюще и вопиюще, овыи со огни различными, овыи с лЂствицами, овыи съ стЂнобитными хитростьми, и ины многы козни на взятие града. Градцкие же люди такоже вопияху и кричаху на них, бьющеся с ними крЂпко. Цесарь же объежаше по всему граду, понужая люди свои, дающе им надЂжу Божию, и повелЂ звонити по всему граду на созвание людем. Турки же паки, услышавше звон велий, пустиша сурныа и трубныя гласы и тумбан тмочисленых. И бысть сеча велиа и преужасна: от пушечного бо и пищалного стуку, и от зуку звонного, и от гласа вопли и кричаниа от обоих людей, и от трескоты оружия—яко молния бо блистааху от обоих оружия—также и от плача и рыданиа градцкых людей, и жон, и дЂтей, мняашеся небу и земли совокупитися и обоим колЂбатися, и не бЂ слышати друг друга что глаголеть: совокупиша бо ся вопли, и крычаниа, и плач, и рыданиа людей, и стук пищалный и звонъ клаколный в един зук, и бысть яко гром велий. И паки от множества огнЂй и стреляниа пушек и пищалей обоих стран дымное курение згустився, покрыло бяше град и войско все, яко не видЂти друг друга съ кЂм ся бьет, и от зелейнаго духу многим умрети. И так сЂчахуся имаяся за руки на всЂх стенах, дондеже нощная тьма их раздЂли: туркы убо отидоша въ свои станы и мертвыа своя позабывше, а градцкие людие падоша от труда яко мертвы, токмо страж единыхъ оставиша по стЂнам. Наутрия же повеле цесарь собрати трупиа, и не обрЂтоша людей: вси бо бяху спяща утрудився. И посла цесарь къ патриарху, да повелит священником и дьяконом собрати мертвыа и погрЂсти я. И абие собрашася множество священник и дьяконов и взя-ша мертвыя и погрЂбоша их. Бяху же числом грЂков 1740, а фряг и армен 700. Цесарь же, взем боляр, поидЂ по стенам града, хотяще видЂти ратных, понеже не бЂ от них ни гласа, ни послушаниа, вси бо бяху опочивающе. И видЂша полны рвы трупиа, а ины в потоцЂх и на брЂзех; и помЂтиша всех убьенных до 18 тысяч и стенобитныа сусуды мнози, их же повелЂ цесарь пожещи. И тако поидЂ съ патриархом |
С.226 |
| и съ святители и со всеми съборы в святую великую церковь молбы и благодарение
вздаяти всесилному Богу и пречистые Богоматере, чаяху бо уже отступити
безбожному, толико падЂние видЂв
своим.
Он же, бЂзвЂрный, не тако помышляаше, но в 2 день посла видЂтн мертвыя своя, и яко сказаша ему много мертвых, вскоре посла мнози полкы взяти трупиа своя. Цесарь же заповЂда, да не дЂют их никоторою бранью, яко да очистят рвы и потоци. И тако взяша своя трупы безбранно и пожгоша и. ВидЂв же безбожный туркъ, яко не успЂ ничтоже, но паче своих погуби, и повелЂ магистром вскорЂ прибавити пушки и пищали мнози на битье града и ины стенобнтныя козни готовити. И в сЂдмый же день паки безвЂрный повеле ити войску къ граду и тако ся бити, якоже и первие, без опочивания. Цесарь же Костянтин посылаше по морю и посуху въ Аморею къ братии своей, и въ ВенецЂю и въ Зиновию о помощи. И братия его не успЂша, понеже распря велия бЂ межу ими, и с арбанаши ратовахуся. И фрягови не восхотЂша помощи, но глаголаху в себЂ: «Не дЂйте, но да возмутъ и туркы, а у нихъ мы возмемъ Царьградъ». И тако не бысть ниоткуду помощи. Един токмо зиновьянин князь, именем ЗустунЂя, приидЂ царю на помощь на дву караблях и на дву катаргах воруженных, имЂа съ собою 600 храбрых. И проидЂ сквозе все рати морскиа турскаго и доидЂ до стены Цесаряграда. Его же видЂв, цесарь обрадовася зЂло, дающе ему честь велию, понеже вЂдом бяше цесарю. И тако испроси у цесаря хужшее мЂсто града, идЂже болши приступают туркове. И придадЂ ему цесарь людий своих на исполнение двою тысящь, и бьяшася с туркы толма храбро и мужествене, яко отступити от того мЂста всЂмъ туркомъ и к тому не приходити на то мЂсто. ЗустунЂя же не токмо свое мЂсто снабдяше, но и по стЂнам града обхожаше и укрЂпляше и наставляа люди, да не отпадутъ надежда, и на Бога упование неподвижно дрьжати, и не ослабляти въ дЂлехъ, от всеа душа и от всего сердца братися съ невЂрными, и—«Господь Богъ поможетъ ны». Таковыми убо словесы многыми уча люди и наставляа их, яко изнаказан бЂ дозЂла ратному дЂлу, и возлюбиша его вси людие и послушаху его во всЂм, иже сказывааше им. Туркы же бьяшеся по всем мЂстом, якоже преди рекохом, без опочиваниа, премЂняющеся, занеже множество тЂм бяху их. В 30 же день по прьвом приступЂ паки прикатиша пушкы и пищали и ины стЂнобитныя сосуды и им же не бЂ числа всеми силами. В них же пушкы бяху 2 велице, иже ту сольяны: единой ядро в колЂно, а другой в пояс. И начаша бити град |
С.228 |
| непрестанно со всЂе стороны полные, а противу
ЗустонЂя навадиша пушку болшую, зане на том месте
бЂ стена градцкая и ниже и хуже. И яко удариша по
тому месту, начат стена колЂбатися, а в другые удариша—и
сбиша стены с вЂрху акы саженей пять, в третьи же
не успЂша, зане ноч успЂ. Зустунея
же то мЂсто ночью задЂла и другою
стЂною дрЂвяною съ землею снутри
подкрЂпи. Но что мочно бЂ учинити
против такые силы? Наутрия же пакы начаша бити то же мЂсто
из многых пушак и пищалей. И яко утрудиша стЂну, навадив,
стрЂлиша из болшие пушкы, уже чаяху разорити стЂну.
И Божиим велением поиде ядро выше стены, токмо семь зубов захвати.
И ударися ядро по церковной стЂне и распадЂся
яко прах. И видЂвше ту сущие людие благодариша Бога.
И яко уже о полудне—навадиша в другые. Зустунея же, навадив пушку
свою, удари в тое пушку, и разсЂдеся у ней зелейник.
Се же видЂв, безвЂрный Магмет
взьярися дозЂла и возопи велиим гласом: «Ягма, ягма!»—сиреч
на разграбление града. Абие вскрича воинство все, приступиша къ граду всеми
силами, по землЂ же и по морю всякими дЂлы
и хитростьми на взятие града. Градцкые же люди, вшед на стЂнах
от мала и до велика, но и жены мнози противляхуся им и бьяхуся крЂпце,
яко патриарху и святителем и всему священническому чину токмо остатися
по церквам Божьим и молитися с рыданием и стонанием.
Цесарь же паки объежааше по всЂму граду, плачуще и рыдающе, моля стратиг и всих людей, глаголюще: «Господа и братия, малы и велици, днесь приидЂ час прославити Бога и пречистую его матерь и нашу вЂру христьянскую! Мужайтеся и крЂпитеся, и не ослабляйте в трудЂх, ни отпадайте надЂжею, кладающе главы своа за праваславную вЂру и за церкви Божиа, яко да и нас прославит всещедрый Богъ!» Сия и иная многа вопиюще цесарю к людем, н повелЂ звонити по всему граду; тако же и ЗустунЂй, рыщуще по стЂнам, укрЂпляше и понужааше люди. И яко слышаша люди звон церквЂй Божьих, абие укрЂпишася и охрабришася вси и бьяхуся с туркы крЂпчае перваго, глаголюще друг другу: «Днесь да умрем за вЂру христьянскую». И якоже прЂди писахом: кый язык может исповедати или изрещи тоа бЂды и страсти—падаху бо трупиа обоих стран, яко снопы, съ забрал, и кровь их тЂчааше, яко рЂкы, по стЂнам. От вопля же и крычания людцкаго обоих, и от плача и рыдания градцкаго, и от зуку клаколнаго, и от стуку оружиа и блистаниа мняшеся всему граду от основаниа превратитися. И наполнишася рвы трупиа человЂча довЂрху, |
С.230 |
| яко чрес них ходити турком, акы по стЂпенем, и
битися: мрьтвыа бо им бяху мостъ и лесница къ граду. Тако и потоци вси
наполнишася и брЂгы вкруг града трупиа, и крови их,
акы потоком силным, тЂщи, и пажушинЂ
Галатцкой, сиреч Лименю всему, кроваву быти. И облизу рвов по долинам
наполнитпся крови, тако силнЂ и нещаднЂ
сечахуся. И аще не бы Господь прекратил день той—конЂчная
бо уже бЂ погибель граду, понеже гражане вси уже бяху
изнемогъше.
Нощи же наставши, туркы отступиша къ станом своим, акы уставше, а градцкие люди падоша, къй же и гдЂ успЂ от труда. И не бЂ тоя нощи слышати ничтоже, развЂе стонание и вопль сеченых людей, кои еще живи бяху. Наутрия же цесарь повелЂ священником и дьяконом такоже собрати трупия и погрЂсти а, а иже еще бяху живы, роздати врачем. И собраша мрьтвых грЂков и фряг и армен и иных пришлых людей 5 700. ЗустунЂя же и вси велможи поидоша по стенам града, смотряще стен и трупия неврьных, и тако сказааше цесарю и патриарху до 35 000 убьеных. Цесарь же бЂплача и рыдая не престааше, видяще падЂние своих людей, а помощи ниоткуду чающе, и неотступное дЂло неврьных. Патриархъ же и всь клирик, тако и всь синклит цесарьский, взяша цесаря и поидоша, утЂшающе его, к вЂликой церкве на молитву и благодарение всемилостивному Богу, такоже и множество благородных жен и дЂтей съ царицею, понеже вси людие бяху еще опочивающе от безмерныя и неприемныя истомы. И повелЂ патриархъ позвонити по всему граду, заповЂдая всЂм людем, иже не бяхуть на брани, и женам, и дЂтям, къиждо их, да поидуть къ своему приходу, молящеся и благодаряще Бога и всенепорочную его матерь, владычицю нашу Богородицу п приснодЂву Марию. И бяше видЂти во всем градЂ всЂм людЂм и женам притичющим къ Божиим церквам со слЂзами хваляще и благодаряще Бога и пречистую Богоматерь. И тако проводиша день тъй и всенощное пЂние. БезвЂрный же трупиа своих людей не восхотЂ взяти, помышляаше мЂтати их порокы в град, да согниют и усмердят град. Неции же в них, знающе град, сказовааху им величества града и пространства и яко не коснЂться им смрад. И абие, пришед со многою силою, взяша их и пожгоша. Крови же, оставшей в рвЂхъ и в потоцЂх, згнившеся, смрад приношааше велий, но обаче граду не поврЂди, вЂтру относящу. И сим тако бывающим, никако не ужасеся безбожный, но в 9 день паки повелЂ всему воинству приступити къ граду и брань творити по вся дни, а пушку ону велию паки повЂле предЂлати того крЂпчае. |
С.232 |
| Сия же увЂдав велможи
и ЗустунЂя, собрався вкупЂ с
патриархом, начаша увЂщавати цесаря, глаголюще: «Видим,
цесарю, яко сей бЂзвЂрный не
ослабЂет дЂлом, но паче готовиться
на болшее дЂло. И что сотворим, помощи ниоткуду чающе?
Но подобает тобЂ, цесарю, изыти из града на подобное
мЂсто, и услышавше людие твои и братия твоа к тебЂ
приидут на помоч, но и арбанаша убоявся приидут к сим же, еда како
и он безбожный, устрашився, отступить от града». Сия и ина многая изрЂкше
цесарю и кърабли и катаргы даяхут ему ЗустунЂевы.
Цесарь же на долгь час умльча, испущая слезы, и тако рече им: «Хвалю и
благодарю съвЂт ваш и вЂм, яко
на ползу ми есть сия вся, понеже могут сия тако быти. Но како аз се сътворю
и оставлю священъство, церкви Божия и цесарство и всих людей? И что ми
сърчеть вселЂнная, молю вы, рцетЂ
ми. Ни, господини мои, ни, но да умру здЂ с вами».
И падъ поклонися им, плачуще горко. Патриархъ же и вси ту сущии людии всплакаша
и превратиша рЂчи, да не паче мльва будет в людЂх.
И послаша паки въ АмморЂю, и во всЂ
острови, и в фрязех о помощи.
Гражане же в день бьяхуся с туркы, а ночи влазяаху в рвы, и пробиваху стЂны ровныя от поля, и изныряху землю по застенью в многые мЂста, задЂлающе многы съсуды зъ зелием с пушечным; такоже на стЂнах уготовляаху многые съсуды, наполняюще смолья и сЂры горючее съ смолою и с посканию, и с зелием с пушечным. Днем же минувшим 25, тако бьющеся по вся дни, паки безбожный повелЂ прикатити ону пушку велию, бЂ бо увязана обручи железными, чаяху укрЂпити ю. И яко пустиша ю впервие, абие разсядЂся на многыя части. Он же, безвЂрный, мЂяшеся поруган быти, и вскоре заповЂда туры прикатитн къ граду всеми силами, иже бяху велици и покровЂнны. И егда уставиша туры по всему брЂгу рва, хотяаху, наполнивше рвы дрЂвесы и хврастием и землею, придвинути и приклонити туры къ граду и тако подкопати стену в многые мЂста и извЂрнути на землю. И яко приступиша множество людей рвы засыпати, абие граждане зажгоша сосуды зелЂйныя, иже бяху заделаны вне рва, и внезаапу взгрЂме земля акы гром велий, и подъяся с турами и с людми, яко буря силная, до облакы, и бЂ слышати трескот, и сътрение тур, и вопль и стонание людцкых страшно, яко обоим бЂжати: гражане убо съ стен во град, а туркы от града далеча. И падааху с высоты людие и дрЂвеса: ины в град, а ины в рати, и наполнишася рвы туркы. И яко взыдоша паки гражане на стЂну и видЂша во р†множество туркъ, |
С.234 |
| абие зажигааху бочкы съ смолою и пущааху на них, и погорЪша вси. И
тако Божиим промыслом в той день избавися град от бЂзбожных
турокъ. Злонравный же Магумет со множеством воин своих издалЂча
бяше смотря бывшее и помышляюще, что сотворити. Такоже и ратные вси, убоявшеся,
отступиша отъ града. ГрЂки же, вышед из града, побивааху
во рвЂх туркы, кои еще живи бяху, и, собравше их въ
многые кучи, съжигахут их вкупЂ со оставшими турами.
Цесарь же с патриархом и всь священный клирик бяху по всЂм церквам молящеся и благодаряше Бога, чающе уже конец бранемъ. Такоже и тъи зловрьный Магумет многа дни совЂтовавше, преложиша отступити въсвояси, зане уже и морскый путь приспе, и чааху отвсюду помоч граду. Но убо понеже беззакония наша превзыдоша главы наша, и грЂхы наша отяготЂша сердца наша, в еже заповЂдей Божиих не послушати и въ путЂхъ его не ходити, гнЂва его камо убЂжимъ? Цесарю убо во градЂ с патриархом тако и вси людие совет съвЂщааша не благ, глаголюще: «ПонЂже он, зловЂрный, тако многа дни стоит безбранно, паки готовиться, но да пошлем к нему о миру»; еже и сотвориша. Он же, лукавый, се слышав, порадовася в сердци своем, чающе, нужа некая приидЂ граду, и, отложше свое отступление, нача съвЂщевати о миру. И тако отвЂща посланником: «Понеже цесарь тако благо съвЂща и просит мир, и азъ се сотворю, но да изыдеть цесарь изъ града въ АмморЂю, такоже и патриархъ и вси людие, иже въсхотят, без врЂда, оставивше мнЂ град пустъ, и азъ мир вечный сътворю, да не вступлюся въ АмморЂю, ниже в островЂх его ни которою хитростию в вЂкы. А иже не всхотят изыти из града, да будут во имени моем без врЂда и безъ пЂчали». Сия вся слышавше, цесарь и патриархъ и вси людие, абие встенавше от среды сердца и руце на небо воздвигше, глаголаху: «Заступниче наш, Господи, призри от высоты славы твоеа, низложи грьдыню сквЂрнаго сего и избави град достояниа твоего, ибо людие есмя владычества твоего и овча пажити твоеа, живущей в дворЂ твоем в единое стадо, и камо изыдем, оставивше пастыря и наставника своего? Ни, Господи Цесарю, ни, но да умрем вси здЂ въ святЂм дворЂ твоем и в славу величествиа твоего». Сия вся изрЂкшим, паки уготовляхуся на брань, кающеися о послании къ МогамЂту, зане тЂм удрьжаху его. Днем же трием минувшим, сказаша окаанному турку, яко пушка она велия слияся добрЂ, и тако съвЂщевааше еще поискусити ю, и повели паки воинству всему поити къ граду, и брань творити по вся дни. Се же бысть за наши грЂхы Божие попущение, яко да збудуться вся прежереченная |
С.236 |
| о градЂ сем при КостянтинЂ
ВелицЂм цесарЂ и ЛвЂ
ПремудрЂм и Мефодием Паторомским. Убо в 6 день маиа
мЂсяца паки безвЂрному
повелевшу бити града в то же мЂсто, идЂже
и прьвЂе бьяхут и изо многых пушек по три дни. И яко
утрудиша стЂну и удариша из болшие пушкы, и спаде
камение много. В другие удариша, и распадеся стЂны
великое мЂсто, но уже вечеру наставшу, туркы начаша
стрЂляти изо многых пушек в то же мЂсто,
тако и чрез всю нощь, не дающе гражаном задЂлывати
того мЂста. ГрЂкы же тоя ночи
уготовиша башту велию против того всего мЂста. Наутрия
же паки туркы удариша из болшие пушкы пониже того мЂста
и вывалиша стЂны много, и тако в другие и в третьи.
И яко уже учиниша мЂсто велико, абие вскрычав, множество
людий вскочиша на то место, друг друга топчюще, тако же и грЂкы
из града, и сечахуся лицем к лицу, рыкающе, акы дивии звЂри.
И бЂ страшно видЂти обоих
и дрьзости и крЂпости. ЗустунЂя
же пакы собра многые люди, вскрычав, напади на туркы тако мужественЂ,
яко въ мъгновении ока съби их с стены и наполни ров мертвых. Амурат
же некый янычанин, крЂпок сый тЂлом,
смЂшався з грЂкы, доидЂ
ЗустунЂя и начат сЂщи его лютЂ.
ГрЂчин же некый, скочив с стЂны,
отсЂче ему ногу секирою и тако избави ЗустунЂя
от смерти. Флабурар же паки западный, Амар-бей съ своими полкы напади на
грЂкы, и бысть сЂча велия. Тако
же из града РахкавЂю стратигу со многими людми преспЂвшу
на помоч грЂком, бьяшеся крЂпко
с туркы, и прогна их даже до самого Амар-бЂа. Он же,
видЂв РахкавЂя лютЂ
секуща турокъ, обнажив меч, нападЂ на нь, и сЂчахуся
обои лютЂ. РахкавЂй же, наступив
на камень, удари его мечем по плЂчю обЂруч
и разсече его надвое: силу бо имяше велию в руках. Турки же, вскрычавше
злостию, окружиша тмочислЂне и сечаху его. ГрЂки
же нужахутся крЂпко отъяти его и не возмогоша,
но и падоша мнози, и разсЂкоша турки Рахкавея
на части и тако прогнаша грЂков в град. И бысть грЂком
плач и ужасть велиа о РахкавЂе, понеже ратник бЂ
велий и мужествЂн и цесарю любим. И уже ночи наставши,
преста сеча и разидошася обои. И туркы убо начаша пакы стрЂляти
из пушек на разрушенное мЂсто, а гражане начаша башту
ширити и дЂлати крЂпко о всЂй
прогалинЂ и навадиша в ню пушкы многие тайнЂ,
зане башта бЂ изнутри града. Наутрия же яко видЂша
туркы стЂну не задЂлану, вскорЂ
наскачиша и бьяхуся з грЂки. Греки же, бьющеся с ними,
побЂгааху от них, а турки вскрычааху на них, и вскоре
нападоше множество
их, чающе уже одолЂвше. Съгустившем же ся многим турком, |
С.238 |
| грЂки же разбЂгоша и пустиша
на них пушкы и побиша много туркъ. И яко испустиша пушкы, внЂзаапу
напади на них из града Палеолог, стратиг сингурла, со многымя людми и бьяше
их крепко. Въсточный же флабурар Мустафа вскорЂ наидЂ
на грЂкы со многою силою, и сечааше их сурово, и прогна
их в градъ, и уже хотяху стЂну отъяти. Феодор же тисячник,
совокупився съ ЗустунЂем, поскориша на помощ, и бысть
сЂча велия, но убо туркы усиловахут ихъ. Цесарь же
бяше въ притворе великия церкви со всеми боляры и стратиги, съвЂтуя
о устремлении безбожнаго, глаголюще: «Се уже по вся дни непременно сЂкущеся
с туркы, колико тысящ погибЂ нашого люду, и аще вперЂд
такоже будет—всЂх нас погубят и град въсприимут. Но
собравшеся съ избранными н назнаменавшеся, изыдЂм
из града ночию в подобное врЂмя и, Богу помогающу,
нападЂм на них, якоже иногда Гедеон на мадиямлян,
или да помрем за Божиа церкви, или да избавление получим». Тако убо съвЂтующе,
мнози на то укланяхуся, надЂяху бо ся на цесаря, зане
вЂдяаху храбрости и силу его, велик бо бЂ
зЂло и исполин силою. Кир Лука же и архидуксъ и Николай
епархъ умльчаша на долгъ час и тако рекоша: «Се уже пять мЂсяць
прошли, отнелиже начахом братися с туркы, просяще милость Божию, и аще
будеть воля его, еще можем и ины пять мЂсяць братися
с ними. Аще ли же не будет Божией помощи, и тако сотворим—единым часом
вси погыбнем и град погубим». Великий же доместик и с ним логофет и
ини мнози велможи съвЂщааху, да изыдеть цесарь из
града, взем съ собою избранных колико мочно, на отсЂку
града, не
дающе турком толико дрьзостнЂ приступати къ граду, и издалЂча потрЂбная провадити; и паки: да услышав христьяне збЂруться к нЂму многые люди. И тако умышляющим им, сказаша цесарю, яко уже туркы взыдоша на стЂну и одолЂвают гражан. Цесарю же погнавшу напрасно и всЂм велможам и стратигом, и, минувше цесаря и велмож, стратиги поскориша на помощь и срЂтоша народ мног бЂгающе, и бья, возвращаху их. ЗустунЂя же съ инЂми стратиги бьяхуся с турки уже въ градЂ, овогда побЂгающе пред туркы, овогда окрЂпльшеся, возвращахуся и боряхуся с ними. А ини турки, мнози мосты сотворше, на конях въЂжяху. Стратигом же всЂм, сънЂмшимся съ ЗустунЂем, нападаху на турки сурово и взвратиша ихъ до стЂны. Но убо турком многым, вшедшим въ град, конным и пЂшцем, возвратиша паки стратиг и бьяху их нещаднЂ, съваху бо ся на них, аки дивии звЂри. И аще не бы ускорил цесарь к ним, конечная уже бЂ погыбЂль граду. Достигшу же цесарю, вопияше на своих, укрепляя их, и, возрыкав яко лЂв, нападЂ на туркы со избранными своими пЂшци и конникы, и сЂчаше ихъ крЂпко: |
С.240 |
| их же бо достижаше, разсЂкаше их надвое, а иных
пресЂкая на полы, не удрьжаваше бо ся меч его ни о
чем. Турки же скликахуся против крЂпости его,
и друг друга понюкаше на нь, и всякым оружием суляху его, и стрелы
безчислены пущаху на нь, но убо, якоже речеся, бранныа побЂды
и цесарское падЂние Божиим промыслом бывает: оружия
бо вся и стрЂлы суетно падаху и, мимо его лЂтающе,
не улучахут его. Он же, един имЂя мЂч
в руцЂ, сечаше их и, на них же возвращашеся, бежаху
от него и путь ему даяху. И погна ихъ къ разрушенному мЂсту,
и ту, затеснившимся, побиша их много, а иныхъ збиша из града и за рвы.
И тако Божиею помощью в той день цесарь избави град, и уже вечеру бывшу,
турки отступиша.
Наутрия же епархъ Николай повЂле гражаномъ избьенных туркъ выметати из града и за рвы на показание безбожному, и бысть их числом, якоже рЂкоша, до 16000. И по совЂщанию взяша их туркы и пожгоша. Епарху же паки повелЂ разрушеное мЂсто все заставити дрЂвом и башту дЂлати, чающе има уже отступити, окааным. Безбожный же Магумет не тако съвЂща, но по три дни събрав баши свои и санчакбиев, тако рече имъ: «Видим убо, яко гауро†охрабришася на нас, и тако браняще с ними не одолЂем ихъ, понеже о единем мЂсте токмо братися, о разрушимЂм, многыми людми невмЂстно, а малыми людми—премогают нас и тако одолЂют нас. Но да сътворим пакы ягму, якоже и первие, придвинувше туры и лЂсница къ стЂнам града на многые мЂста, и, раздЂлившимся гражаном по всЂм мЂстам на сопротивление, абие приступим крЂпко къ разрушимому мЂсту». И еже съвЂща окаанный Божиим попущением тако и сотвори: туры убо и лЂсници и ины козни многы приступные повелЂ уготовляти, а воином паки повелЂ братися съ гражаны. И тако бьяхуся по вся дни, не дающе гражаном опочивания. В 20 же первый день маиа, грЂх ради наших, бысть знамение страшно в градЂ: нощи убо против пятка освЂтися град всь, и видЂвше стражи тЂчаху видЂти бывшее, чааху бо—туркы зажгоша градъ; и вскликаше велием гласом. Собравшим же ся людЂм мнозем, видЂша у великие церкви Премудрости Божиа у вЂрха из вокон пламеню огнЂну велику изшедшу и окружившу всю шею церковную на длъгъ час. И собрався пламень въедино, пременися пламень и бысть, яко свЂт неизреченный, и абие взятся на небо. ОнЂм же зрящим, начаша плакати грько, впиюще: «Господи помилуй!». СвЂту же оному достигшу до небесъ, отврьзошася двЂри небесныя и, приявше свЂть, пакы затворишася. Наутрия же, шедше, сказааше патриарху. |
С.242 |
| Патриархъ же, собрав боляр и совЂтников
всЂх, поиде къ цесарю, и начаше увЂщавати
его, да изыдеть из града и съ царицею. И яко не послуша их цесарь, рече
ему патриархъ: «ВЂси, о царю, вся прежереченная о
градЂ сем. И се нынЂ пакы ино
знамение страшно бысть: свЂт убо он неизрЂченный,
иже бЂ съдЂйствуя въ вЂлицЂй
церкви Божия Премудрости съ прежними свЂтилникы и
архиерЂи вселенскими, такоже и ангелъ Божий, его же
укрЂпи Богъ при УстиянЂ цесари
на съхранение святыа великиа церкви и граду сему, в сию бо нощь отъидоша
на небо. И се знаменуеть, яко милость Божиа и щедроты его отъидоша от нас,
и хощет Бог предати град нашь врагом нашим». И тако прЂдстави
ему онЂх мужей, иже видЂша чюдо,
и яко услыша цесарь глаголы их, падЂ на землю яко
мертвъ и бысть безгласен на мног час, едва отольяше его араматными водами.
Вставшу же ему, рече патриарху и всЂм боляром, да
запрЂтят с клятвою онЂм людЂм,
да не възгласят сия народом, яко да не отпадуть въ отчаяние и ослабЂют
дЂлами. Патриархъ же паки начат крЂпко
увЂщевати цесаря, да изыдет из града, тако же и боляре
всЂ, глаголюще ему: «ТебЂ, цесарю,
изшедшу из града съ елицыми всхощеши, паки, Богу помогающу, мочно есть
и граду помощи, и ины грады и вся земля надЂжу имЂюще,
тако вскорЂ не предадутся безвЂрным».
Он же не уклонися на то, но отвЂщеваше им: «Аще Господь
Богъ нашь
изволи тако, камо избЂгнЂм гнЂва его». И паки: «Колико цесарей прежде менЂ бывшеи, велицы и славны, тако пострадааша и за свое отчество помроша; аз ли пакы послЂдней сего не сътворю. Ни, господи мои, ни, но да умру здЂ с вами». И отступи от них. ЗустунЂя же паки, пришедше со инЂми боляры, много увЂщевааху цесаря со слезами и рыданием, да изыдет из града. И не послуша их. В 2-й же день, егда услышаша людие отшествие святаго Духа, абие растаяшася вси, и нападЂ на нихъ страх и трЂпет. Патриархъ же бяше укрЂпляа их и учаще не отпасти надЂжею. «Но дерзайте убо, чада, дрьзайте,—глаголаше,—и на Господа Бога спасениа нашего возложим и к нему руце и очи от всЂя душа возвЂдем, и той нас избавить от врагов наших и вся сущая на нас вражия совЂщания ражденеть». СицЂвыими и ины многыми бяше укрЂпляа народа. И тако съ святители и всеми съборы, вземше священныа иконы, обхожааху по стЂнам града по вся дни, просяще милости Божию, со слЂзами глаголюще: «Господи Боже нашь, безсмертный и безначалный, съдЂтелю всЂя твари, видимыя и невидимыя, иже нас ради, неблагодарных и злонравных, сшед съ небесе, воплотився и кровь свою за ны пролья, призри убо и нынЂ, Владыко и Царю, от святаго жилища |
С.244 |
| твоего на смерЂнныа рабы твоа, и приими грЂшное
наше моление, и приклони ухо твое и услыши глаголы наша, конЂчне
погыбающих. СогрЂшихом бо, Господи, согрЂшихом
на небо прЂд тобою, и мерскими дЂлы
и студными всячскы себЂ непотрЂбны
сътворше небу и земли, и тоа самыя врЂменныя жизни,
и нЂсмя достойны възрЂти на высоту
славы твоеа, озлобихом бо твою благодать и разгнЂвахом
твое Божество, преступающе и препирающи твоих заповедЂй
и не послушающи твоих повелЂний. Но убо сам, Цесарю
и Владыко, чловЂколюбец и незлобив сый, долготрьпЂлив
же и многомилостивъ, пророком своим рек, яко «ХотЂнием
не хощу смерти грЂшнику, но яко еже обратитися и живу
быти»; и пакы: «Не приидох праведных призвати, но грЂшных
на покаание». Не хощеши бо, Владыко, создание твоих рук погубити, ниже
благоволиши о погибели чловЂчестЂй,
но хощеши всЂм спастися и в разум истинный приити.
ТЂм же и мы, недостоинии, создание и творение твоего
Божества быв, не отчаваемся своего спасениа, на твое же безчислЂнное
благоутробие надЂяся, припадаем и вслЂдуем,
всем сердцемъ молим и ищем милость твою. Пощади, Господи, пощади, их же
искупил еси животворною кровию своею, и не предай же нас врагом и суперником
владычствиа твоего, и избави нас от обьстояниа днешняго и обышедших ны
зол и напастЂй. Свободи по множеству милости твоеа,
и
изми нас по чюдесЂм твоим, и даждь славу имени твоему, да посрамяться врази твои и да постыдяться от всякыя силы, и крЂпость их да сокрушиться, да разумЂют, яко ты еси Богъ нашь, Господь Иисус Христос, въ славу Богу Отцу». Таковыми убо и иными многыми молебными глаголы по вся дни молящеся, чааху спасениа своего, тако и вси людие бяху притычюще къ святым Божиим церквам, плачуще и рыдающе, и руце на небо воздЂюще, просяще у Бога милость. Но убо елико преже благодатЂй и даров Божиих и пречистыа Богоматери благодЂяний сподоблени быхом, толико нынЂ, грЂх ради наших, помилованиа и щедротъ Божиих лишени быхом. «Егда бо,— рече,— простретЂ рукы ваша къ мнЂ—отовращу очи мои от вас, а и аще придЂте явити ми ся—отовращу лице свое от вас». И паки: «Елико сътвориши, елико дЂлаеши — ненавидит сия душа моа». Таковым убо отвЂтом и мы нынЂ, грЂх ради наших, уподобихомся, и молбы и молениа наша неприятна суть Богови. Туркы же, якоже предирекохом, по вся дни брань творяще гражаном, не почивааху. А окаанный Магумет, собрав воин своих, раздЂли имъ мЂста къ приступу: убо карачбЂю противу цесарскых полатъ и дрЂвяных врат и Калисариа, а бегиларбЂем—восточному—противу Пигии и Златаго |
С.246 |
| мЂста, а западному—противу Хорсуни всЂя.
Сам же безвЂрный нарек себя посреди ихъ, противу врат
святаго Романа и разрушеннаго мЂста. Столу же морскому Балтауглию и Загану—обЂ стенЂ от моря, яко да окружат всь град и в едино врЂмя и в един час ударити бранию на град по земли же и по морю. И тако урядив сквЂрный. В 26 день маия, проповЂдником их откликавше сквЂрную свою молитву, абие взкрычавше всЂ воинство скакаху къ граду. И прикативше пушкы, и пищали, и туры, и лесница и грады древяные, и ины козни стЂнобитныя, им же не бЂ числа. Тако же и по морю придвинувше корабли и катарги многыа, и начаху бити град отвсюду, и мост на рвЂх нарЂжати, и яко уже збиша съ стЂн всих гражан, въскорЂ придвинувше грады дрЂвяные и туры высокиа и лесница тмочисленыа, нужахутся силою взойти на стЂну, и не даша им грЂкы, но сЂчаахуся с ними крЂпко. Баши же, и воини и нарядчики их понужающе туркъ и бьюще их, въскликааху и вопиаху на них. Магумет же окаанный со всЂми чины врат своих, заиграв въ всЂ игры и в тумбаны, и вопли великими возшумЂша, акн буря силная, и приидЂ на полое мЂсто и таким суровством мняше бо внЂзаапу похитити град. Стратигом же многим преспЂвшим зъ ЗустунЂею на помощ, бьяхуся с турки крЂпко, и бысть пагуба велиа гражаном. Но убо еще часу суда не приспЂвшу, премогахуся с ними. Цесарь же и велможи с ними скакааху по всЂму граду, плачуще и рыдающе, молящеся боляром, и стратигом, и воином всим, тако и всему народу, да не отпадуть надЂжею ни да ослабЂют дЂлом, но дЂрзостию и вЂрою несумнено братися съ врагы, и Господь Богъ поможет ны. И повелЂ звонити по всему граду на собрание людЂм. И собравшеся всЂм людЂм по стЂнам, бьяхуся с туркы, и бысть сЂча велия, яко страшно и жестоко видЂти обоих дрьзость и мужества. Патриархъ же со всЂми съборы бяше въ святЂй велицЂй церкви, неотступнЂ моля Бога и пречистую его Богоматерь о поможении и укрЂпление на врагы. Егда же услыша звону, вземше БожествЂныя иконы, изыдЂ прЂд церковь, и ста на молитву, осЂняюще крестом всь град, и рыдающе и глаголюще: «Вскресни, Господи Боже, и помози нам, конечне погыбающим, и не отрыни людий своих до конца, и не дай же достояниа твоего в поношение сыроядцем сим, да не рекут: «Гдъ есть Богъ их?», но да познают, яко ты еси Богъ наш, Господь Иисус Христос, въ славу Богу-Отцу». СицЂ и къ святей Богоматере возглашающе: «О всЂсвятаа владычицЂ, стани, руцЂ въздЂв къ сыну своему, Богу нашему, и утиши, владычицЂ, иже на нас гнЂв Божий и пагубу, |
С.248 |
| уже бо, пресвятаа госпоже, при устЂх адовЂх
есмя; поскори, о всемилостивая и человЂколюбивая мати,
и измий нас, обьемше дЂсною ти рукою, преже даже не
пожрет ны адъ, яко да и всЂм прославиться и
возблагодарить все святое и великолЂпное имя твое». Сице вопиюще и моляся не престааху, царю же преспЂвшу к полому месту, и видЂвъ брань тяжчайшу, ста и сам ту и вси велможи, и яко сказаша ему безбожнаго устремленье, абие возопи к воином, плачюще: «О братиа и друзи! НынЂ врЂмя обрЂсти славу вЂчную за церкви Божиа, за православную вЂру, и сотворити что мужьствЂное на память послЂдним». И ударивъ фарис, хотяше бо проскочити разрушеное мЂсто и доступити МагумЂта на отомщение крови христьянъские. И яша его велможи и оружникы пЂсца нужею, занЂ нЂвмЂстно бЂ дЂло, МагумЂтю безбожному в силЂ тяжьсцЂ сущу. Цесарь же, обнаживъ мЂч, обратися на туркы, и якоже кого достигаше мечем по раму или по рЂбром—пресЂкаше ихъ, туркы же, ужасшися крЂпости царевы, бЂжаху и разлучахуся. Стратиги же и воины и вси людие, очютивше своего цесаря, охрабришася вси и скакаху на туркы акы дивии звЂри. И тако пробиша и за рва. Магумет же ста крЂпко и повелЂ туркъ, бьяше, возвращати на грЂкы, и бысть сЂча премрачна, зане стрелы их помрачиша свЂт. ГрЂкы же пакы съ обеих стран стены мЂтаху на туркы смолы горячие и смолья пучмы великыи зажигающе. И уже солнцу зашедшу и ночи наставши, сЂча же не преста, но огни безчислЂные безбожный сотворше, сам скакаше по всЂм мЂстом, крыча и вопиа, понужающе своих, чааше иже пожрети град. Но убо грЂки и прочие люди сущеи на стЂнах, огражашеся дрьзостию, впияху друг другу: «Поскорим, братие, на осуженое мЂсто и помрем за святыа церкви». И тако сЂчахуся крЂпко с турки до полунощи и съгнаша их съ забрал и съ градовъ их на землю, и преста сеча. Но нЂ отступиша отъ града окаянныи, брЂгуще своих градов и иных кознЂй. Наутриа же греки возхотЂша зажещи в многих мЂстехъ козни их и грады дрЂвяные, н не даша им турки стрЂлянием многым из луков и из пищалей. Падение же обоих стран, а наипаче ранных—кто можеть исчести. От дЂвятое же годины того дни паки безЂерный повелЂ бити град возлЂ разрушеного мЂста изо многых пушек и пищалей. И навадивше пушку болшую, удариша в башту, тако и в другие, и в третьи, и разбиша башту, и тако проиде той день. Ночи же наставши, ЗустунЂа паки съ всЂю дружиною и фряги всЂ начаша башту съзидати. Христьянское же согрЂшенье не возхотЂ се, но, прилЂтев ис пушки, ядро камЂнное |
С.250 |
| на излетЂ и удари ЗустунЂа
по персЂм и разрази ему перси. И падЂ
на землю, едва его отльяша и отнесоша и в дом его. Боляре же и вси людие
и фряговЂ, иже бЂша с ним, растааху
и не вЂдааху, что сотворити. Се же бысть изволЂнием
Божиим на конЂчную погибЂль граду,
понЂже полое оно мЂсто он храняше
великою силою и мужеством, храбръ бо бЂ, и мудръ,
и ратному дЂлу преискушен. Егда же сказаша цесарю,
абие распадЂся крЂпостию и истаяше
мыслию, и скоро поидЂ к нЂму,
такоже и патриархъ и вси велможи и врачевЂ, утЂшающе
его, хотяху бо, аще бы мощно было, душа своа вдунути в него. Обьяше бо
их скорбь и пЂчаль велиа о нем, занеже братом его
имЂяше цесарь, многыя ради вЂры
его и бодрости. Враче†же чрес всю ону нощ тружахуся
о поможении его и едва исправиша ему грудь, вшибленое мЂсто
от удара. И абие отдохнул отъ болезни. И даша ему мало брашна и питие,
и тако опочи той нощи.
Оставшей же дружинЂ его у башты, съзидааху башту, но нЂ успеша ничтоже. ЗустунЂя же пакы повелЂ сЂбя нести тамо и начат дЂлати башту съ усердием великим. Но дню уже преспЂвшу, егда видЂша туркы башту дЂлающих, вскорЂ пустнша на них изо многых пушек и не даша им дЂлати. ОнЂм же постанившимся от пушек, вскорЂ наскачиша множество туркъ на полое мЂсто, такоже и грЂки против, и бысть брань велиа. Флабурар же некый со многыми срачины яростнЂ нападЂ на грЂки, в них же бяху 5 страшных возрастом и взором, и бьяху гражан нещадно. Тако же из града протостратор и сынъ его АндрЂй со многими людми поскориша на турки, и бысть сЂча ужасна. ВидЂвша же съ стЂны три братеники пять мужей онЂх срачин, бьюще тако силнЂ гражан, скачиша съ стЂны, нападоша на них и сечахуся с ними лютЂ, яко удивитися турком и не дЂяти их, чающе убиеным быти от них. И убиша гражане дву срачин. Тако, въскричав, нападоша на них множество туркъ, онЂм же, обраняющеся от них, уидоша в град. Бяху же трие ты инафтыи един грЂчин, а другый угрин, а третий арбонаш. О полом же мЂсте сеча не преста, но паче растяше, турком бо в велицЂй силЂ приступлше, сечахуся и погоняху гражан сурово. Стратиги же и велможи вкупЂ съ Зустунеем мужествоваху крЂпко, и падоша множество людий от обоих странъ. Но еже Богъ изволи, тому не преити: прилЂтевшу убо склопу, и удари ЗустунЂа и срази ему дЂсное плЂчо, и падЂ на землю аки мертвъ. И падоша над ним боляре его и вси людие, крыча и рыдая, и поношаше его проч, тако и фряго†вси поидоша за ним. Туркы же, слышав рыдание и смятЂние людцкаго, абие възкличав, напустиша всеми полкы и потопташа гражан и вгнаша их в град, бья |
С.252 |
| и сеча их. ВидЂв же стратигы и вси гражанЂ
болма пребывающих туркъ, начата бЂжати, и егда постигахут
их нужею, возвращахуся и боряхуся с ними. И погыбель конечная уже бЂ
постигла град, аще бы не поскорилъ цесарь со избранными своими. Царю же
приспЂвшу, срЂте ЗустунЂа
еще жива суща, и возплакася о немъ горко, и начаша возвращати фрягъ с молением
и рыданием, и не послушаше его. И, пришед, поношаше своих о слабости
их и немужествЂ, и абие возвращаше бЂгающих,
а самъ нападЂ на туркы и, понюкнувъ своим, внидЂ
в ратных, бьяше ихъ мечемъ по плещу и по ребром; аще и по коню ударить
— падаху подъ ними, и не удрьжеваше бо мечь его ни збруи, ни конская сила.
Туркы же искликахуся и другъ друга понюкаше на нь, сам же не смЂяше.
Оружия же, иже мЂтаху на нь, якоже прЂди
рЂкохомъ, вся суетно падаху и мимо его лЂтающе,
не
улучахуть его, еще убо часу не преспЂвшу.
Он
же на нихъ возвращашеся, бЂжаху от него, и разлучахуся,
и даяхут ему путь. И тако прогнаша турковъ к полому мЂсту,
и сгустившимся ту множеству народу, побиша их гражане безчислено,
закалаху бо их аки свинЂй, дондеже проидоша полое
мЂсто, а иже бЂжаша на сторону
по улицам—тамо побьени быша. И тако Божиим промыслом в той день избавися
град: турки бо отъидоша от града, а гражане же падаху опочивати, и не бЂ
тоя нощи ничесоже.
Цесарь же с патриархом и вси воини поидоша в великую церковъ и возблагодариша Бога и пречистую его матерь и похваляху цесаря. И тако неции сказаша яко и сам цесарь в сердци своем вознесеся, но и отшествие поганых чаяху, не вЂдаху бо Божие изволение. Магумет же, видЂвъ толикое падЂние своих и слышав цесареву храбрость, тоя ночи не спа, но совЂтъ велий сотвори: хотяше бо тоя ночи отступити, зане уже и морский путь преспЂ и корабли многые придут на помощ граду. Но да збудеться Божие изволение, съвЂт той не съврьшися. И яко уже о семой године тоя ночи начат наступати над градом тма велиа: воздуху убо на аере огустившуся, нависеся надъ градом плачевным образом, ниспущаше аки слЂзы капли велици, подобные величеством и взором буйвалному оку, червлЂны, и терпяху на земли на долгъ час, яко удивитися всем людем и в тузе велицей и во ужасе быти. Патриярхъ же Анастасие вскоре собрав весь клирик и синклит, поидЂ къ цесарю и рече ему: «СвЂтлейший цесарю, вся прежереченная о градЂ сем добрЂ веси, тако и отшествие святаго Духа видЂ. И се пакы нынЂ тварь проповЂдует погибели града сего. Молим тя: изиди из града, да не вси вмЂсте погинем. Бога ради изиди!» И повЂдаша ему |
С.254 |
| много дЂяний прежних цесарей сим подобна. Тако
же и клирик весь и сунклит много глаголаше ему, да
изыдет из града. И не послушаше их, но отвЂщаваше им: «Воля Господня да будетъ!» Магумет же окаанный, яко видЂ тму велию над градом, созва книжник и молнъ и вопроси их: «Что есть сия тма над градом?» И рекоша ему: «Знамение велико есть и граду пагуба». Он же, безбожный, повелЂ вскоре уготовити вся воя и пусти напред тмочисленыи оружникы пЂсца, и пушки, и пищали, и за ними всЂ войско. И прикатив против полого мЂста начаша бити о всем том мЂсте, и яко отступиша далЂче гражанЂ от полого мЂста, поскориша песца очистити путь ратным и рвы изровняти. И тако напустиша туркы всеми полкы и потопташа гражан, конником мало сущим. Стратигом же и мегистаном и всим конником приспЂвшим, покрЂпиша народ и боряхуся с турки. Цесарю же пригнавшу со всеми велможи и со избранными своими конники и песца оружники, и нападЂ на турки, уже многу суще войску внутри града, и смешався с ними, сечахуся тяжким и звЂрообразным рвением и прогнаша их к полому мЂсту. Бегиларбей же восточный, велику сущу и мощну, воскричав со всЂю силою восточною и нападЂ на грЂки, и размЂси полки их, и прогна их, и, взем копие, напусти на цесаря. Цесарь же, подав ему щит, отвЂде ему копие и, ударив его мечем въ главу, и разсече его до сЂдла. И абие возопиша турки многими гласы и, падши, отъяша его и отнесоша. Цесарь же, пригласив своих, со восклицанием многым внидоша во все полки их, и, бья их, прогнаша из града. Но карачбЂю баше, собравшу множество войска, придЂ гуфою и гордостию великою на полое мЂсто, и внидЂ в град, и прогна цесаря и всих гражанъ. Цесарь же, паки помолився стратигом и всим мЂгистаном и вельможам, тако и народу, укрЂпи их и, возвратився, нападоша на турки, уже отлосше живота, и паки прогнаша их из града. Но аще бы горами подвизали, Божие изволение не премочи: «аще бо,—рече,— не Господъ созиждеть храм, всуе тружаемося жиждущеи». Турком убо множеством много суще, пременяхуся на брань, гражаном же всЂгда единым; отъ многаго труда изнемогаху и падаху, аки пияни. Тако же и цесарю и всим воином ни откуда же помоч чающе, разпадоша крЂпостию и истаяша мыслию, объяша бо их скорбь и печаль велия. Магмет же окаанный, слышав восточнаго бегиларбеа убийство, плакаше много: любляше бо его мужества ради его и разума, и возъярився, поиде сам своими враты и со всеми силами, а на цесаря повелЂ навадити пушки и пищали, бояше бо ся его, да не изыдет из града со всеми людьми |
С.256 |
| и нападет напрасно на нь. И пришед безбожный ста против полого мЂста
и повелЂ первое бити из пушек, из пищалей, да отступят
гражане. Таче напусти Балтавулия башу со многыми полкы и три тысяща избранных
и заповЂда им, да улучат цесаря, аще и до смерти постражут,
или ис пищали убьют его. Стратиги же и мегистаны и вси велможи, видев устрЂмление
безвЂрнаго, пришедша в силЂ тяжше,
и стрЂляния зЂлнаго, отвЂдоша
цесаря, да не всуе умреть. Онъ же, плача горько, рече им: «Помните
слово, еже рЂх вам и обЂт положих:
не дЂйте менЂ, да умру здЂ
с вами». Они же отвЂщаваху: «Мы вси умрем за церкви
Божиа и за тебя». И, взем, отвЂдоша его от народа
и много увЂщаху его, да изыдеть из града, и, дав ему
конечное целование, стоня и рыдая, возвратишася вси на уреченное место.
Балтаулию же приспевшу со многою силою, стретоша его стратиги на полом мЂсте, но не возмогоша удержати его, и вниде в градъ всЂми полки и нападЂ на гражан. И бысть сеча крЂпчайшая всЂхъ прежних, и падоша стратиги и мегистаны и вси велможи, яко ото многых мало отъидоша на извЂщение цесарю, тако и гражан и турков, им же не бЂ числа. Тритысящники же рыстаху и совахуся на всЂ страны, аки дивия звЂри, ища себЂ лову цесаря. Магмет же окааный, паки вскорЂ урядив, разсылаше всю свою рать по всем улицам и по вратам цесаря бречи, а сам ся оста токмо сь яничаны, обрывся во обозе, и пушки и пищали уставив, бояше бо ся цесаря. Цесарь же, яко слыша Божие изволение, поидЂ в великую церковь и паде на землю, прося милость Божию и прощенье согрЂшением, и простився с патриархом и со всеми клирикы и съ цесарицею. И, поклонився на всЂ страны, поидЂ из церкви, и абие возопиша всь клирик и весь народ сущий ту, и жены и дети, им же не бЂ числа, рыданием и стонанием, яко мнЂтися церкви оной великой колЂбатися, и гласи ихъ, мню, до небесъ достигаху. Идущу же цесарю из церкви, сей едино пререк: «Иже хощет пострадати за Божиа церкви и за православную вЂру, да поидет со мною!» И всЂд на фарис, поидЂ къ Златым вратам, чаяше бо стретити безбожнаго. ВсЂхъ же воин собрашася с ним до трЂю тысящ, и обрЂте во вратЂх множество туркъ, стрЂгущи его, и побивше их всЂх, поидЂ во врата, но не можааше пройти от многаго трупиа. И паки срЂтоша их множество туркъ, и сечахуся съ ними и до нощи. И тако пострада благовЂрный царь Костянтин за церкви Божия |
С.258 |
| и за православную вЂру месяца мая въ 29 день,
убив своею рукою, якоже оставшеи сказаша, болма 600 турков. И збысться
реченное: Костянтином създася и паки Костянтином и скончася. Зане согрЂшением
осуждение судом Божиим врЂменем бывают, злодЂяние
бо, рече, и безаконие превратит престолы силныих.
О велика сила грЂховнаго жала! О, колико зла творит преступление! О, горЂ тобЂ, Седмохолмий, яко погании тобою обладают, ибо колико благодатЂй Божиих на тебЂ восияша, овогда прославляя и величая паче иных градов, овогда многообразне и многократнЂ наказая и наставляя благыми дЂлы и чюдесы преславными, овогда же на врагы побЂдами прославляя, не престааше бо поучая и къ спасению призывая и житЂйским изообилием уЂешая и украшая всяческы! Тако же и пренепорочная мати Христа Бога нашего неизреченными благодЂянии и неизчетными дарованми помиловаше и храняше во вся времена. Ты же, яко неистовен, еже на тебЂ милость Божию и щедрот отвращашеся и на злодеяние и безаконие обращашеся. И се нынЂ открыся гнЂв Божий на тебЂ и предасть тебЂ въ руце врагом твоим. И кто о сем не восплачеться или не возрыдает! Но убо паки да придЂм къ предлЂжащому. Царица же в он же час прия прощение от цесаря и иночство прия. Оставшии же стратиги и боляре, взем царицю и благородных девиц и младых жен многых, отпустиша в ЗустунЂевы карабли и катарги во островы и в Аммарию къ племянам. Народи же по улицам и по двором не покаряхуся турком, но бьяхуся с ними, и падоша от них того дни много людий, и жен, и дЂтей, а иных полоняху. Тако же и в овнах сущеи воини не предаша овны, но бьяхуся з двоими турки— вне града сущими и внутри града. И в день одолЂваеми бЂжаху и скрывахуся в пропастех, а ночи вылазяху и побиваху турков. А инии люди, и жены, и дЂти метаху на них свЂрху полат керамиды и плиты и паки зажигаху кровли полатные древяные и мЂтаху на них со огни, и пакость им дЂяху велию. И ужасахуся баши, сензякбЂи и не вЂдяаху, что сотворити, но послаша къ салтану: «Аще не сам внидЂши во град, не одолен будет град». Он же взыскание сотвори велие о цари и о царици и не смЂяше в град ити, и бысть в размышлении в великом. И позва боляр и стратиг, их же поимаше на боех и их же баши взяша на свои рукы, и вда им слово свое крЂпкое и дары, посла их с баши и санчакбЂи рещи гражаном по всем улицам и сущим в овнах слово салтаново с клятвою: «Да престанет брань |
С.260 |
| без всякого страху и убийства и плЂнения, аще
ли же ни— всих вас, и жены и дЂти ваши меч поясть».
И сему бывшу, преста брань, и вдашася вси боляром и стратигом и башам на руки. И се слышав, салтан возрадовася и посла град чистити, улици и поля. Въ 11 же день посла санчакбЂев по всем улицам съ многими людми бречити израды. А сам поидЂ со всеми чины врат своих в врата святаго Романа къ вЂликой церквЂ, в ню же бяху собраны патриархъ и всь клирикъ и народу безчислено, и жен и дЂтей. И пришед на полЂ у великия церкви, слезе с коня и пад на землю лицем, взят персть и посыпа главу, благодаряще Бога. И почюдився оному великому зданию, тако рече: «Воистину людие сии быша и проидоша, а ини по них сим подобни не будут». И поидЂ в церковь, и видЂ мрьзость запустение в святилище Божие и ста на мЂсте святЂм его. Патриархъ же и весь клирик и народ возопиша слезы и рыданми, и падоша прЂд ним. Он же, помаяв рукою да престанут, и рече им: «ТобЂ глаголю, Анастасие, и всЂй дружинЂ твоей и всему народу: з днешняго дне да не убояться гнЂва моего, ни убийства, ни пленения». И, обратився, рече башам и санчакбЂем, да запретят всему войску и всякому чину моих врат, да не дЂють весь народ градцкий, и жен и дЂтей ни убийством, ни пленением, ни иною враждою никоторою. «Аще ли же кто преступит нашего повелЂния—смертию да умрет». И повЂлЂ выслати вон, да пойдут коиждо въ свой дом, хотяше бо видЂти уряд и сокровища церковнаа, да сбудеться реченное: «И вложит руце своя въ святаа жрьтвеннаа и святая потребит, и дасть сыновом погибели». Народу же идущу до дЂвятыа годины, и еще многым сущем въ церквЂ, не дожда—изшед из церкве. ВидЂ изшедших полно поле и во все улици идущих много, и удивися толику народу от одноа храмины изшедчим, и поидЂ кЂ царскому двору. И ту срете его некый сербин, прннесе ему цесареву главу. Онъ же возрадовася зЂло и вскоре позва боляр и стратиг и спроси их, да рекут ему истинну, аще то есть глава цесарева. Они же, страхом одержими, рекоша ему: «То есть сущаа глава цесарева». Он же облобыза ю и рече: «Явна тя Богъ миру уроди, паче же и цесаря, почто тако всуе погибЂ!» И посла ей къ патриарху, да обложет ю златом и сребром, и сохранит ю, якоже сам вЂсть. Патриархъ же, взем, положи ю в ковчезецъ сребрян и позлащен и ... скры ю в великой церкви под престолом. От иных же паки слышахом, яко оставшеи от сущиих съ цесаремъ у Златых врат, украдоша его тоа нощи, и отнесоша его в Галату, и сохраниша его. |
С.262 |
| О цесарици же бывшу велику испытанию, сказаша
султану, яко великий дукас и великий домЂстик и анактос,
и протостраторов сын АндрЂй и братанич его Асан Фома
ПалЂолог, и епархъ градцкий Николай отпустиша царицю
въ карабли. И абие повЂле их, истязав, посещи.
И сим сицЂ бываемым и тако съврьшаемым грЂх ради наших: беззаконный Магумет седЂ на престолЂ царствиа благороднЂйша суща всЂх иже под солнцем, и изообладаше впадающих двЂма части вселЂнныя, и одолЂ одолевших гордаго Артаксерксиа, невмЂстима пучинами морскими и воя водя ширя земля, и потреби потребивших Троию преднвну и семьюдЂсятми и четырма крали обраняему. Но убо да разумЂеши, о окааннЂ, аще вся прежереченная МЂфодием Патаромскым и Лвом Премудрым и знамения о градЂ сем съврьшишася, то и послЂдняа не преидут, но такоже соврьшитися имут. Пишет бо: «Русий же род съ прежде создателными всего Измаилта побЂдять и Седмохолмаго приимуть съ прежде законными его и в нем въцесарятся и судрьжат Седмохолмаго русы, язык шестый и пятый, и насадит въ нем зелье и снЂдят от него мнози в отмщение святым». И пакы въ последнем видЂнии ДаниловЂ: «И востанет великый Филиппъ съ языкы осмьнадЂсят, и собЂруться в Седмохолмом, и сразиться бой, иже не бысть николиже, и потЂкутъ по удолием и по улицам Седмохолмаго, яко реки, крови человЂче-скыа, и возмутиться море от крови до ТЂснаго устия. Тогда Вовус возопиет, и Скеролаф восплачет, и Стафорин речет: «СтанитЂ, станьте, мир вам и отмщение на непослушных. ИзидЂте на дЂсные страны Седмохолмаго и обрящете человЂка у двою столпов стояща, сединами праведными, и милостива, носяща нищаа, взором остра, разумом же кротка, средняго врьстою, имЂюща на дЂснЂй нозЂ посреди голЂни бЂлег. Возмите его и вЂнчайте цесарем. И вземше четыри ангелы живоносны и ввЂдут его въ святую Софиа, и вЂнчаютЂ и цесаря, и дадят в дЂсную руку его оружие, глаголющи ему: «Мужаися и побЂжай врагы своя!» И восприем оружие от тоа аггела и поразить измаилты, и ефиопы, фругы, и татаре, и всяк род. И убо измаилты разделить натрое: прьвую часть побЂдит оружием, вторую крестить, третью же отженет с великою яростию до Единадубнаго. И въ возвращение его открыються сокровища земная, и вси обогатЂють, и никтоже нищ будеть, и земля дасть плод свой седмЂрицею, оружия ратная сътворят серпове. И царствует лЂт 32, и по нем въстанет ин от него. И тако, поувидЂв смерть свою, идЂт въ Иерусалимъ, да предасть цесарство свое Богу, и оттолЂ вцаряться четыри сыно†его: прьвый в РимЂ, |
С.264 |
| а вторый в АлЂксандрию, третий въ Седмохолмом,
четвертый в СЂлуни».
Сия убо вся и ина многаа прорицаниа и знамениа писаниа съдрьжить о тебЂ, градЂ Божий, их же всещедрый и всеблагый Богъ да соврьшить на премЂнение н на попрание сквЂрныя и на безбожныя сея вЂры атманскыя, и на обновление и укрЂпление всЂя православныя н непорочныя вЂры християнстЂй, нынЂ и присно, и в вЂкы вЂком. Аминь. Списатель же сим азъ многогрЂшный и безаконный Нестор ИскиндЂр. Измлада взят быв и обрЂзан, много время пострадах в ратных хожениих, укрываяся семо и онамо, да не умру въ оканной сей вЂре. Тако и нынЂ в сЂм великом и страшном деле ухитряяся овогда болЂзнию, овогда скрыванием, овогда же совЂщанием приятЂлей своих, уловляа врЂмя дозрением и испытанием великым, писах в каждый день творимая дЂяниа вне града от турков. И пакы, егда попущением Божиим внидохом въ град, врЂмянем испытах и собрах от достоврьных и великих мужей вся творимая дЂяниа во граде противу безвЂрных и въкратце изложих и християномъ предах на въспоминание преужасному сему и предивному изволению Божию. Всемогущая же и животворящая Троица да мя приобщить пакы стаду своему и овцам пажити своеа, яко да и азъ препрославлю и возблагодарю великолЂпное и превысокое имя твое. Аминь. |
С.266 |